Assalamu 'alaikum wr.wb.
Innalhamda lillah nastainuhu wanastaghfiruhu, wanau dubillahi minsyururi angfusina, wamin syayyiati a'malina, mayyahdihillahu fala mudilalah wamayyudlilhu fala hadiyalah.
Ashadu alah iraha illalloh wa asyhadu ana Muhammadarosuululloh
Allahumma sholi ala sayidina Muhammad wa ala aliihi wa ashabihi ajmain.
Robisrohli sodri wayassirli amri wahlul ukdatam milisani yafkhohu kouli.
Amma bakdu.
Para alim ulama ingkang tansah sinand8ng wahyuning Gusti,
Para Sesepuh-Pinisepuh ingkang dahat kinabekten.
Kadang besar sak penderek saking puh 3 inhkang kinabekten
Para Rawuh kakung putri ingkang kinurmatan.
Ing ngriki kulo minongko sulih sariro talanging boso saking Bapak H. Parmo.
Minangka purwakaning atur sumongga kula derekaken manengku puja mewah ngunjukaaken raos syukur wonten ngarsa dalem Allah SWT, awit lumintuning barokah saha rahmat sahingga saget makempal wonten dalemipun Bapak H Parmo.
Kaping kalih mugi sholawat saha salam tansah kunjuk ngarso dalem Rosululloh SAW ingkang sampun paring turunan Agami Isalam ingkang anjog dateng karahayon.
Para tamu ingkang luhuring budi ,
Bapak Haji Parmo ngaturaken agunging panuwun ingkang tanpo pepindan awit rawuh penjenengan sedaya , selajengipun ngaturaken wilujeng rawuh, mugi dipun sekecaken anggenipun pinarak lenggah ngantos dumugi purnaning pawiwahan.
Selajengipun Bapak H Parmo datan kekilapan ngaturaken agunging panuwun dateng sanak kadang mitra pitepangan ingkang sampun paring pambiyantu iguh pertikel minggahipun dateng dana prabeyo. Sedaya kasumanggaken dateng ngarsaning Gusti mugi sih kadarman penjenengan kacatet dados amal sholeh ingkang Gusti bade paring piwales ingkang sakalangkung ageng.
Bapak Ibu para tamu kakung putri wreda tumaruno ingkang kinurmatan.
Sanadyan sampun cetho kaserat dateng kintokoworo, parandene awit sukingtyas marwotosuto, ingkang menika kanti raos suka kepareng ngaturaken baybaring sedyo wudaring gontho.
Madyaning suko ing kalenggahan menika Bapak H. PARMO kepareng mahargyo suta amiwoho siwi , putranipun ingkang kekasih bagus Alim
Ingkang pikantuk kusumaning ayu Roro.... nun inggih putranipun Bapak ..... ingkang mijil saking...
Pepuntaning atur mbok bilih anggenipun nampi rawuh penjenengan wonten kiranging boja mewah krama Bapak H. PARMO namung tumadah baludaging samudra pangaksama ingkang Agung.
mbok bilih anggen kula matur wonten gonyak ganyuking wicara ingkang boten nuju prana kulo ngaturaken jenang sela wader kalen sesoanderan ngapuranta sedaya kalepatan kulo.
Yu painten marut klopo, tuku kupat nang Sukomoro , cekap semanten atur kawula, menawi lepat nyuwun pangapura.
Wassalamu alaikum wr.wb.
Tidak ada komentar:
Posting Komentar